അല്ലാഹു അക്ബർ: നമസ്കാരത്തിലേക്കുള്ള ആദ്യ ചുവട്

ഖിബ്ലയിലേക്ക് തിരിഞ്ഞു. ഏത് നമസ്കാരമാണെന്ന് മനസ്സിൽ ഉറപ്പിച്ചു. ഇനി എന്ത്? പലർക്കും ഈ നിമിഷത്തിലാണ് സംശയം: കൈ എവിടെ വരെ ഉയർത്തണം, എന്ത് പറയണം, കൈ എവിടെ വെക്കണം?

ഈ ചെറിയ നിമിഷം നിസ്സാരമല്ല. ഇതുവരെ നാം ലോകത്തായിരുന്നു; ഒരൊറ്റ വാക്കോടെ നാം നമസ്കാരത്തിനുള്ളിലേക്ക് കടക്കുന്നു. ആ വാക്കാണ് "അല്ലാഹു അക്ബർ".

1തക്ബീർ: നമസ്കാരത്തിന്റെ വാതിൽ

നമസ്കാരം തുടങ്ങുന്ന ആദ്യ തക്ബീറിന് തക്ബീറത്തുൽ ഇഹ്റാം എന്ന് പറയുന്നു. നബി ﷺ പറഞ്ഞു:

ഈ തക്ബീർ നമസ്കാരത്തിന്റെ റുക്നുകളിൽ (അനിവാര്യ ഘടകങ്ങളിൽ) ഒന്നാണ്. അത് ഇല്ലാതെ നമസ്കാരം തുടങ്ങുന്നില്ല. "അല്ലാഹു അക്ബർ" എന്ന് തന്നെ പറയണം; കൈ ഉയർത്തിയതുകൊണ്ട് മാത്രം തക്ബീർ ആവില്ല.

തനിച്ച് നമസ്കരിക്കുന്നയാൾ സ്വയം കേൾക്കുന്ന ശബ്ദത്തിൽ പറഞ്ഞാൽ മതി. ജമാഅത്തിൽ ഇമാം ഉറക്കെ പറയും; പിന്നിലുള്ളവർ ഇമാമിന്റെ തക്ബീർ കഴിഞ്ഞ ശേഷം മനസ്സിൽ പതുക്കെ പറയും.

2കൈ ഉയർത്തൽ

തക്ബീർ ചൊല്ലുമ്പോൾ ഇരു കൈകളും ഉയർത്തുന്നത് സുന്നത്താണ്. അബ്ദുല്ലാഹിബ്നു ഉമർ (റ) വിവരിക്കുന്നു:

ചെവികൾക്ക് നേരെ വരെ ഉയർത്തിയതായും സഹീഹ് മുസ്ലിമിൽ റിപ്പോർട്ടുണ്ട്. ഇവ രണ്ടും ശരിയായ രീതികളാണ്. വിരലുകൾ ചേർത്ത്, ഉള്ളംകൈ ഖിബ്ലയിലേക്ക് തിരിച്ച് ഉയർത്തുന്നതാണ് പൊതുവെ പഠിപ്പിക്കപ്പെടുന്ന രീതി.

കൈ ഉയർത്തൽ സുന്നത്താണ്, നിർബന്ധമല്ല. പരിക്ക് കാരണം കൈ ഉയർത്താൻ കഴിയാത്തയാൾക്ക് തക്ബീർ മാത്രം പറഞ്ഞ് നമസ്കാരം തുടങ്ങാം.

3കൈ കെട്ടൽ

തക്ബീറിന് ശേഷം കൈകൾ താഴ്ത്തി, വലതുകൈ ഇടതുകൈയുടെ മേൽ വെക്കുന്നു. സഹ്ൽ ബ്നു സഅ്ദ് (റ) പറഞ്ഞു:

അതിനാൽ കൈ കെട്ടുന്നതിന്റെ അടിസ്ഥാനരീതി സ്വഹീഹ് ഹദീസിൽ സ്ഥിരപ്പെട്ടതാണ്. കൃത്യമായ സ്ഥാനം സംബന്ധിച്ച് പണ്ഡിതന്മാരുടെ വ്യാഖ്യാനവ്യത്യാസങ്ങൾ മാനിക്കണം. ഒരു സ്ഥാനം സ്വീകരിക്കുന്നതിന്റെ പേരിൽ മറ്റുള്ളവരുടെ നമസ്കാരം തെറ്റാണെന്ന് വിധിക്കരുത്. കാരണം നമസ്കാരം അവനും അല്ലാഹുവുമാണ് നേരിട്ടുള്ളതാണ്

4പ്രാരംഭ ദുആ

കൈ കെട്ടി, ഫാതിഹ ഓതുന്നതിന് മുമ്പ് ഒരു ചെറിയ ദുആ ചൊല്ലുന്നത് സുന്നത്താണ്. ഇതിന് ദുആഉൽ ഇസ്തിഫ്താഹ് (പ്രാരംഭ പ്രാർത്ഥന) എന്ന് പറയുന്നു. നബി ﷺയിൽ നിന്ന് പല രൂപങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. കേരളത്തിൽ ഏറെ പരിചിതമായത് അലി (റ) റിപ്പോർട്ട് ചെയ്തതാണ്:

ഈ ദുആയുടെ മധ്യഭാഗം ഖുർആനിൽ നിന്നുള്ളതാണ്:

അബൂഹുറൈറ (റ) റിപ്പോർട്ട് ചെയ്ത മറ്റൊരു രൂപവും നബി ﷺ ചൊല്ലിയിരുന്നു:

5തുടക്കക്കാർ അറിഞ്ഞിരിക്കേണ്ടത്

പ്രാരംഭ ദുആ സുന്നത്താണ്; റുക്നല്ല. അത് മനഃപാഠമാകാത്തതുകൊണ്ടോ മറന്നുപോയതുകൊണ്ടോ നമസ്കാരം അസാധുവാകില്ല. അതിനാൽ ഇത് പഠിക്കും വരെ നമസ്കാരം നീട്ടിവെക്കരുത്.

ഒരു നല്ല വഴി: ഒരു രൂപം തിരഞ്ഞെടുക്കുക. ഓരോ ദിവസവും ഒന്നോ രണ്ടോ വാചകം പഠിക്കുക. അർത്ഥം കൂടെ മനസ്സിലാക്കുക. ഒരാഴ്ച കൊണ്ട് അത് നാവിലും ഹൃദയത്തിലും ഉറയ്ക്കും.

6ഈ നിമിഷം ജീവിതത്തിൽ

ദിവസത്തിൽ അഞ്ച് തവണ, കുറഞ്ഞത് പതിനേഴ് റക്അത്തുകളിൽ, നാം "അല്ലാഹു അക്ബർ" എന്ന് പറഞ്ഞ് നിൽക്കുന്നു. ജോലിയുടെ ടെൻഷനും കുടുംബത്തിലെ പ്രശ്നങ്ങളും കടത്തിന്റെ ഭാരവുമെല്ലാം അതിനേക്കാൾ ചെറുതാണ് എന്ന ഓർമ്മപ്പെടുത്തലാണ് ഓരോ തക്ബീറും.

കൈകൾ ഉയർത്തി താഴ്ത്തുന്ന ആ നിമിഷം, ലോകകാര്യങ്ങൾ പിന്നിലേക്ക് മാറ്റിവെക്കുന്നതായി സങ്കൽപ്പിക്കാം. ഈ ബോധത്തോടെ തുടങ്ങുന്ന നമസ്കാരം വേറൊരു അനുഭവമായിരിക്കും.

നമസ്കാരം മുഴുവനായി ഘട്ടം ഘട്ടമായി കാണാം: